Латвія можа забараніць нашэнне нікабаў ужо з наступнага года

Латвія можа забараніць ужо з наступнага года нашэнне нікабаў - арабскіх галаўных убораў, якія закрываюць твар. Міністэрства юстыцыі падкрэслівае, што колькасць людзей, якіх закране гэта мера, не мае значэння. Размова ідзе пра тое, каб мігранты з павагай ставіліся да норм паводзін у краіне. Як тлумачаць у міністэрстве, у Латвіі варта захоўваць гарманічнае асяроддзе, а людзі з закрытым тварам могуць быць расцэненыя асноўным хрысціянскім насельніцтвам як пагроза.