Эканамічныя санкцыі будуць зняты. Такі вынік першага афіцыйнага візіту Прэзідэнта ЗША на Кубу. Пры гэтым Абама адзначыў, што тое, наколькі хутка можна будзе адмяніць эмбарга, шмат у чым залежыць ад супрацоўніцтва Гаваны з Вашынгтонам па пытаннях правоў чалавека.
Барак Абама, Прэзідэнт ЗША: "Мы з'яўляемся натуральнымі гандлёвымі партнёрамі, нас раздзяляюць толькі 90 міль. Я заклікаю кангрэс ЗША зняць гандлёвае эмбарга супраць Кубы. І я таксама абмеркаваў з Кастра крокі, якія мы заклікаем Кубу пачаць, каб паказаць гатоўнасць да вядзення большай колькасці праектаў, у тым ліку дазволіць больш сумесных прадпрыемстваў і дазволіць іншаземным кампаніям наймаць на працу кубінцаў напрамую".
Рауль Кастра, старшыня Дзяржаўнага савета Кубы: "Нам неабходна засяродзіцца на тым, што нас збліжае, а не раздзяляе. Важна, каб мы пачалі крокі па будаўніцтве новых адносін, якіх не было. Трэба ўвасобіць на практыцы цывілізаванае суіснаванне. Разбурыць масты лёгка. Аднавіць іх значна складаней і даўжэй. Мы павінны прымаць і паважаць адрозненні, не рабіць з іх цэнтра нашых адносін, а прасоўваць сувязі, якія спрыяюць дабрабыту абедзвюх краін і народаў".
