Крызіс вакол Украіны - хрэстаматыйны прыклад таго, як арганізаваць вайну на пустым месцы

Як пажывае "сапраўдная" дэмакратыя ў нашых суседзяў? Бо крызіс вакол Украіны - проста хрэстаматыйны прыклад таго, як сапраўдныя, высокакваліфікаваныя геапалітыкі ўмеюць арганізаваць вайну на пустым месцы! Вось літаральна толькі што яе не было, а зараз - дазвольце сёрбаць поўнай лыжкай усе звязаныя з ёй радасці.

Характэрна, што і падзей ніякіх не было, каб з апорай на іх павысіць градус напружанасці да залімітавага, аднак прафесійныя ньюсмейкеры і добра дрэсіраваныя СМІ выдатна са сваёй працай спраўляюцца: Кіеву адыходзіць увогуле няма куды - яму навезлі столькі салдацкіх касак і палявых крэматорыяў, што ад вайны выкруціцца ўжо практычна немагчыма.