Абедзве партыі палаты прадстаўнікоў большасцю галасоў падтрымалі законапраект, які забараняе прэзідэнту траціць дзяржаўныя сродкі на выхад з Паўночнаатлантычнага Альянсу.
Такі законапраект унеслі на разгляд літаральна праз дзень пасля таго, як у амерыканскіх СМІ зноў з'явілася інсайдарская інфармацыя аб тым, што кіраўнік Белага дома абмяркоўваў са сваімі саветнікамі магчымасць выхаду ЗША з НАТА. Раней Трамп неаднаразова крытыкаваў Альянс, пры гэтым аб выхадзе з яго публічна ніколі не заяўляў.
