Кампенсацыі сем'ям ахвяр масавай стральбы ў Лас-Вегасе

Уладальнік гатэля "Мандалай-бэй" у Лас-Вегасе выплаціць кампенсацыі сем'ям ахвяр масавай стральбы, якая адбылася на кантры-фестывалі два гады таму. Усяго на выплаты будзе выдзелена 800 мільёнаў долараў. Ісцы заявілі, што ўладальніку гатэля не ўдалося гарантаваць бяспеку дзясяткаў тысяч чалавек на канцэртнай пляцоўцы, якой ён валодае. У кастрычніку 2017 года падчас выступлення пачалася стральба. Загінулі 58 чалавек, яшчэ 850 пацярпелі. Стралок некалькі дзён збіраў арсенал зброі і боепрыпасаў у нумары гасцініцы.