Кампанія Boeing выпрабавала прататып беспілотнага "лятаючага аўтамабіля" з вертыкальным узлётам. Ён ажыццявіў кантраляваны ўздым, завіс у стане вольнага лунання і ажыццявіў пасадку. Падчас далейшых выпрабаванняў распрацоўшчыкі плануюць адпрацаваць палёт у гарызантальнай плоскасці. Дарэчы, эксперыментальная мадэль абсталяваная электрычным рухавіком. Спецыялісты ўпэўненыя, што да 2040 года аўтаномныя пасажырскія і грузавыя лятальныя апараты будуць шырока выкарыстоўвацца, у тым ліку і ў гарадскіх умовах.