Да тэмы, якая ва ўсіх на пагалосцы. Колькасць заражаных новым каранавірусам за межамі Кітая дасягнула 694. Тры чалавекі памерлі. Гэта апошнія звесткі Сусветнай арганізацыі аховы здароўя. У самім Кітаі зарэгістраваны 1 770 смяротных зыходаў, а колькасць тых, хто вылечыўся, набліжаецца да 11 тысяч. У краіне ўжо запусцілі вытворчасць першых лекаў ад каранавіруса. Прэпарат атрымаў афіцыйнае адабрэнне ўладаў. У Пекіне плануюць за шэсць дзён пабудаваць фабрыку па вытворчасці медыцынскіх масак, дзе будуць выпускаць па 250 тысяч вырабаў за дзень. Ва ўмовах каранціну ў кітайскіх школах і пекінскіх ВНУ пачалося навучанне анлайн. Настаўнікі маюць зносіны з вучнямі і вядуць відэаўрокі ў чатах.
Колькасць заражаных каранавірусам за межамі Кітая дасягнула 694 чалавек
17 февраля 2020