КНДР запусціла неапазнаны снарад

У МЗС Японіі паведамілі пра запуск дзвюх балістычных ракет з тэрыторыі КНДР. Тып снарадаў не вызначаны, зараз іх характарыстыкі высвятляюцца. Неапазнаныя ракеты праляцелі 380 кіламетраў і зваліліся ў Японскае мора за межамі эксклюзіўнай эканамічнай зоны Японіі. Паводле звестак Міністэрства абароны Краіны ўзыходзячага сонца, ніякай пагрозы астравам і яе тэрытарыяльным водам на гэты момант няма.