КНДР заклікала ўсіх карэйцаў да аб'яднання

Паведамленне было апублікавана на сайце Цэнтральнага тэлеграфнага агенцтва Паўночнай Карэі. Улады выказваюць надзею, што 2018-ы стане "годам крутога павароту" у збліжэнні бакоў. Пхеньян адзначыў, што грамадзяне абедзвюх Карэй павінны мець магчымасць свабодна перамяшчацца, каб разрадзіць вострую ваенную напружанасць, і стварыць мірны клімат на паўвостраве. Таксама КНДР запэўніла, што "разгроміць усе спробы, якія будуць перашкаджаць уз'яднанню дзвюх краін".