Кліматычны феномен Эль-Ніньё ўплывае на надвор'е ў ЗША

Паводле слоў сіноптыкаў, кліматычны феномен Эль-Ніньё ўплывае і на надвор'е і ў ЗША. Так, у Нью-Ёрку і Лос-Анджэлесе тэмпература паветра вышэй за звычайную ў канцы снежня. У Арканзасе з-за шторму загінула маладая жанчына. 3,5 тысячы хатніх гаспадарак засталіся без электразабеспячэння. Серыя тарнада пракацілася па штаце Місісіпі. Там таксама ёсць ахвяры. Аб небяспецы ўзнікнення новых штормаў папярэджаны жыхары Індыяны, Тэнэсі і Ілінойса. Як вядома, рэдкія "зімовыя тарнада" могуць быць надзвычай небяспечнымі.