Класік сусветнага кіно Анджэй Вайда сышоў з жыцця

Не стала культавага польскага рэжысёра. Класік сусветнага кіно Анджэй Вайда пайшоў з жыцця напярэдадні ва ўзросце 90 гадоў. Апошнім часам ён цяжка хварэў і некалькі дзён таму трапіў у бальніцу. Яго называлі бацькам польскага кінематографа і сумленнем польскага народа. Анджэй Вайда зняў такія знакамітыя карціны, як "Сібірская лэдзі Макбет", "Д'яблы" паводле Дастаеўскага, "Пілат і іншыя" паводле Булгакава. А некалькі тыдняў таму яго апошняя стужка "Паслявобразы" была вылучана на прэмію "Оскар". Вайда паставіў каля 40 спектакляў у розных тэатрах свету. За сваё творчае жыццё мэтр сабраў практычна ўсе кінаўзнагароды. Яго адзначалі на Канскім, Венецыянскім, Берлінскім кінафестывалях, у 2000 годзе ён быў удастоены "Оскара" за ўклад у развіццё сусветнага кіно.