Кітай вяртаецца да звычайнага жыцця пасля пандэміі каранавіруса

Кітай - першая краіна ў свеце, якой удалося спыніць распаўсюджанне каранавіруса. У краіне пачала працаваць вытворчасць, людзі вярнуліся на працу. Але страчваць пільнасць пакуль рана - у Паднябеснай працягваюць фіксаваць увазныя выпадкі. Таму там укаранілі сістэму QR-кодаў. Яна дазваляе даведацца, ці кантактаваў чалавек з устаноўленымі носьбітамі COVID-19 і ці не быў за апошнія два тыдні ў асабліва заражаных зонах. 

На сёння тры галоўныя ачагі распаўсюджання захворвання: ЗША, Італія і Іспанія. Там ад інфекцыі сур'ёзна пакутуюць урачы: 12 тысяч медыкаў заражаныя ў Іспаніі, 800 - у Злучаных Штатах, 17 - у літоўскім горадзе Укмерге. Усяго ў свеце захварэўшых на новы каранавірус 800 тысяч, загінуўшых амаль 38 тысяч чалавек.