Як паведамляе МЗС краіны, ва ўсходніх рэгіёнах Украіны прыпынены рэжым антытэрарыстычнай аперацыі. Кабмін тым часам падрыхтаваў праект закона аб амністыі ўдзельнікаў масавых беспарадкаў. Згодна з дамоўленасцямі, ад крымінальнага праследавання вызваляць усіх, хто здасць зброю і вызваліць захопленыя будынкі. Пад амністыю не трапяць толькі тыя, хто падазраецца ў цяжкіх злачынствах. Нагадаем, раней афіцыйны Кіеў таксама заявіў аб гатоўнасці правесці дэцэнтралізацыю ўлады, даўшы рэгіёнам больш фінансавай і палітычнай свабоды. Тым не менш, сітуацыя на ўсходзе Украіны ўсё яшчэ застаецца напружанай. Як паведамляюць мясцовыя СМІ, у Краматорску мітынгоўцы зноў захапілі будынак тэлевышкі. А ў Славянску невядомыя абстралялі з аўтаматычнай зброі цывільны верталёт, з борта якога скідвалі лістоўкі з тэкстам Жэнеўскага камюніке.