Харватыя пачала працэс уступлення ў еўразону

9 Ліпеня 2019

Заграб накіраваў афіцыйны ліст у ЕС аб планах далучыцца да еўрапейскага механізму абменных курсаў. Краіна ўзяла на сябе шэраг абавязацельстваў, у тым ліку якія датычацца барацьбы з адмываннем грошай, збору статыстыкі і паніжэння фінансавай і адміністрацыйнай нагрузкі. За выкананнем гэтых мер будуць сачыць Еўрапейскі цэнтральны банк і Еўракамісія. На мінулым тыдні кіраўнік харвацкага Цэнтрабанка заяўляў, што краіна можа далучыцца да зоны еўра праз чатыры гады. У ёй на дадзены момант знаходзяцца 19 дзяржаў.