Кіраўнік палітбюро палесцінскага руху ХАМАС Ісмаіл Ханія заклікаў да пачатку новай інтыфады. Пра гэта паведаміў тэлеканал "Аль-Джазіра".
Паводле слоў Ханіі, рашэнне прэзідэнта ЗША Дональда Трампа аб прызнанні Іерусаліма сталіцай Ізраіля і пераносе туды амерыканскага пасольства "паклала канец мірным пагадненням Осла і назаўжды пахавала мірны працэс на Блізкім Усходзе".
Сітуацыю на экстранным пасяджэнні абмяркуе Савет Бяспекі ААН. З запытам аб правядзенні тэрміновай сустрэчы выступілі 8 з 15 краін арганізацыі. Спецдаклад рыхтуе генсак ААН Антоніу Гутэрыш. Пракаментавалі пазіцыю Мінска ў гэтым пытанні і ў МЗС Беларусі.
Рашэнне Трампа не падзялілі лідары шэрагу еўрапейскіх краін. Жорстка раскрытыкавалі крок ЗША прадстаўнікі арабскіх краін.
