Вядомую расійскую спявачку і тэлевядучую Юлію Началаву тэрмінова прааперыравалі

Вядомую спявачку і тэлевядучую Юлію Началаву ў Расіі прааперыравалі з-за пагрозы абсцэсу. Зараз артыстка, як і да хірургічнага ўмяшання, знаходзіцца ў коме. Да яе, акрамя бацькоў, нікога не пускаюць. Аперацыя доўжылася дзве гадзіны, да справы прыцягнулі вядучых сталічных спецыялістаў. Паводле слоў медыкаў, ёсць рызыка ўскладненняў у выглядзе ацёку лёгкіх. Нагадаем, спявачку гаспіталізавалі 8 сакавіка з-за таго, што ў яе рэзка павысіўся ўзровень цукру.