Не дапусціць распаўсюджвання COVID-19 у Еўропе
Аўтобус, што прыбыў з Мілана, затрымалі на паўднёвым усходзе Францыі. У аднаго з падарожнікаў западозрылі сімптомы заражэння новым каранавірусам. Ён дастаўлены ў мясцовую бальніцу. Астатнім пасажырам забаранілі пакідаць аўтобус.
А ў Парыжы санітарныя ўлады аб'явілі экстранны каранцін у камісарыяце паліцыі 13-й акругі. Будынак ізалявалі пасля таго, як там адчуў недамаганне грамадзянін Кітая.
На Маўрыкій не пусцілі пасажыраў самалёта Alitalia. Зараз МЗС Італіі арганізуе вяртанне 40 суграмадзян на радзіму верталётам.
COVID-19 зафіксавалі ў 31 краіне
Пра першыя выпадкі заражэння COVID-19 на сваёй тэрыторыі аб'явілі сёння Ірак, Афганістан, Кувейт і Аман. Ірак і Пакістан закрылі мяжу з Іранам. У гэтай краіне заражаны не меней за 60 чалавек, паведамляецца ўжо аб 12 загінуўшых ад каранавіруса. Часова ўстрымацца ад паездак у Іран рэкамендуюць сваім грамадзянам улады Азербайджана. У Баку з падазрэннем на каранавірус шпіталізаваны два чалавекі, якія пабылі ў заражаным іранскім рэгіёне.