Нагадаем, загінулі 3 чалавекі, яшчэ 13 атрымалі раненні. Як паведамляе Рэйтэр са спасылкай на падкантрольнае баевікам агенцтва АМАК, тэрарыстычная арганізацыя назвала стралка Шарыфа Шэката "сваім салдатам". МУС Францыі ўжо пацвердзіла, што напярэдадні вечарам праз двое сутак пасля атакі Шэкат быў выяўлены ў квартале Нойдарф і ліквідаваны падчас спецаперацыі.
Паводле звестак СМІ, першай Шэката заўважыла адна з мясцовых жыхарак і паведаміла пра яго ў паліцыю. У МУС удакладнілі: у злачынца 27 судзімасцяў у Францыі, Германіі і Швейцарыі. Гэты факт ускладніў яго пошукі, паколькі паліцыя не выключала, што ён мог хавацца на тэрыторыі ФРГ. Раней былі затрыманы сваякі Шэката - бацькі і два браты, а таксама гаспадар кватэры, у якой стралок хаваўся перад учыненнем тэракта.
