Ісламісты ў Сірыі пагражаюць адпомсціць краінам, якія наносяць авіяўдары па пазіцыях тэрарыстаў. Групоўка Фронт аль-Нусра - адна з ячэек Аль-Каіды - назвала паветраную аперацыю вайной супраць ісламу. Раней іншае аддзяленне міжнароднай тэрарыстычнай структуры - групоўка Ансар аш-Шарыа - узяла на сябе адказнасць за абстрэл пасольства ЗША ў Емене. Паміж тым знішчальнікі і беспілотнікі міжнароднай кааліцыі, якую ўзначальваюць ЗША, працягнулі наносіць удары па пазіцыях ісламістаў у Сірыі і Іраку. Паведамляецца, што ў арабскай рэспубліцы разбураныя тры нафтаперапрацоўчыя заводы, якія знаходзіліся пад кантролем экстрэмістаў.
