Шукаць малайзійскі боінг, які вылецеў у Пекін, больш не будуць

Шукаць малайзійскі боінг больш не будуць. Нагадаем, у сакавіку 2014 самалёт вылецеў у Пекін з Куала-Лумпура і бясследна знік. Зыходзячы са справаздач аўстралійскага бюро транспартнай бяспекі, ніякіх сігналаў з борта не паступала пасля 38-мі хвілін палёту, хоць боінг знаходзіўся ў паветры больш за сем гадзін. Спецыялісты агледзелі каля 120 тысяч квадратных кіламетраў марскога дна ў раёне вострава Суматры, але ніякіх слядоў авіякатастрофы не выявілі. Улады Малайзіі, Аўстраліі і Кітая прынялі рашэнне спыніць пошукі і выказалі спачуванні сваякам загінуўшых.