На паўднёвым захадзе Германіі недалёка ад Хайдэльберга разыгралася крывавая драма. У спартыўным клубе расстраляныя людзі.
Што стала прычынай расправы - у рэпартажы Аляксандры Пінчук.
Дасенхайм відавочна не быў гатовы да трагедыі, якая адбылася напярэдадні ў адным з гарадскіх спартыўна-аздараўленчых цэнтраў. Мясцовы жыхар адкрыў страляніну і забіў двух чалавек. Прычынай расправы стала сварка, якая разгарэлася на зборы ўласнікаў кватэр.
Фларыян Пістар, акруговы пракурор Хайдэльберга: Зараз мы не ведаем у дакладнасці, якія былі матывы забойцы і як усё адбылося. Сведкі ў такім шоку, што дапытаць іх немагчыма. Вядома, што справа адбывалася на сходзе домаўласнікаў у спартыўным рэстаране. Там пачалася лаянка, аднаго з удзельнікаў папрасілі сысці. Ён сышоў, але потым вярнуўся з пісталетам і адкрыў агонь.
Пяць чалавек атрымалі раненні і былі дастаўленыя ў найбліжэйшыя бальніцы. Стан аднаго з параненых ацэньваецца як вельмі цяжкі.
Фларыян Пістар, акруговы пракурор Хайдэльберга: Той, хто нападаў, пакончыў жыццё самазабойствам. Перад гэтым у паліцыю паступілі шматлікія званкі жыхароў суседніх дамоў.
Мясцовасць вакол будынка, дзе прагучалі стрэлы, закрытая для праходу. Крымінальная паліцыя і крымінолагі працуюць на месцы здарэння. Акрамя таго, псіхолагі і духоўнікі аказваюць дапамогу сведкам злачынства. У кафэ ў момант стрэлаў знаходзілася каля 20 чалавек.