Дзярждума сёння аднагалосна прыняла ў другім чытанні папраўкі, якія дазваляюць прылічаць сродкі масавай інфармацыі да так званых замежных агентаў.
Трэцяе чытанне павінна адбыцца сёння. Аўтары законапраекта завуць яго люстраным адказам на прыгнёт расійскіх СМІ ў ЗША.
У прыватнасці, на патрабаванне да тэлеканала Russia Today America зарэгістравацца ў краіне як замежны агент. У рэдакцыі, нагадаем, заявілі, што іх фактычна вымусілі пайсці на гэты крок. У адваротным выпадку кампанію абяцалі закрыць, а кіраўніцтва бюро арыштаваць.
У Савеце Федэрацыі заявілі, што разгледзяць законапраект з новымі папраўкамі адразу ж, як толькі ён паступіць з Дзярждумы.
