Горад на Няве сёння адзначае 70-годдзе поўнага вызвалення ад нямецка-фашысцкіх акупантаў

27 Студзеня 2014
З восені 1941 года да зімы 1944 жыхары Ленінграда жылі ў блакадзе. Нацысты планавалі замарыць голадам усіх ленінградцаў, а затым зрабіць на месцы горада вялікае возера. У памяць аб сотнях тысяч загінуўшых сёння раніцай на праспекце Непакорных прайшоў ваенны парад. Упершыню за многія гады ў ім удзельнічалі сучасныя танкі і бронетранспарцёры. Адкрывала шэсце легендарная калона Т-34. 1 мая 1945 года Ленінграду было прысвоена званне Горад-герой за гераізм гараджан у блакадныя гады.