Кіраўнікі знешнепалітычных ведамстваў краін "Вялікай сямёркі" на сустрэчы ў японскай Хірасіме выказаліся за мірнае ўрэгуляванне крызісу ва Украіне. Як паведамілі ў МЗС Японіі, адбылося абмеркаванне сітуацыі і дасягнута адзінства меркаванняў наконт важнасці таго, каб усе зацікаўленыя бакі поўнасцю выконвалі мінскія дамоўленасці і дасягнулі ўрэгулявання мірным і дыпламатычным шляхам.
У сустрэчы, што праходзіць напярэдадні саміту G7, удзельнічаюць міністры замежных спраў Японіі, Германіі, Вялікабрытаніі, Францыі, Італіі, Канады і дзяржсакратар ЗША. Чакаецца, што па выніках кіраўнікі знешнепалітычных ведамстваў падпішуць "Хірасімскую дэкларацыю", у якой акумулюецца імкненне да ядзернага раззбраення.
