Кіраўнік Tesla Ілон Маск анансаваў прэзентацыю першага электрычнага грузавіка кампаніі. Публічны дэбют і тэставы заезд цягача папярэдне запланаваны на 26 кастрычніка. Афіцыйна кампанія не выдае інфармацыю аб магчымым кошце, грузападымальнасці і аб максімальнай адлегласці, якую можа праехаць беспілотны аўтамабіль. Аднак у СМІ ужо з’явіліся некаторыя характарыстыкі новага грузавіка. У прыватнасці, ён зможа праехаць да 480 кіламетраў шляху без дадатковага падзараду. Маск лічыць, што вытворчасць такіх транспартных сродкаў дазволіць істотна знізіць кошт перавозак, а таксама зрабіць працу вадзіцеляў менш небяспечнай.
