Кіраўнік SpaceX плануе адправіць на Марс мільён чалавек

Кіраўнік касмічнай кампаніі SpaceX Ілан Маск заявіў пра планы за некалькі дзесяцігоддзяў адправіць на Марс мільён чалавек. Яны павінны будуць пабудаваць там "самадастатковы" горад. Падарожжа будзе займаць два гады, а білет каштаваць каля 100 000 долараў. "Мы хочам зрабіць Марс рэальнасцю яшчэ ў нашым жыцці", - сказаў Ілан Маск удзельнікам Міжнароднай астранаўтычнай канферэнцыі ў Мексіцы. Людзі, на думку бізнесмена, павінны стаць "міжпланетным відам", паколькі ў будучыні Зямля можа перажыць глабальную катастрофу. SpaceX плануе пачаць палёты на Марс у наступныя дзесяць гадоў.