Новы прэзідэнт Францыі Эмануэль Макрон аб’явіў аб найхутчэйшым скліканні "нармандскай чацвёркі".
Паводле яго слоў, такая дамоўленасць была дасягнута падчас сустрэч з расійскім лідарам Уладзімірам Пуціным. Напярэдадні ў Версалі, нагадаем, палітыкі абмяркоўвалі і працэс рэалізацыі мінскіх пагадненняў. Раней пра намер аднавіць перамовы ў "нармандскім фармаце" гаварыла канцлер Германіі Ангела Меркель, а таксама прэзідэнт Украіны Пётр Парашэнка.
А сёння ў Берліне на віле Борзіг намеснікі міністраў замежных спраў краін "нармандскай чацвёркі" абмяркоўвалі бягучую сітуацыю на ўсходзе Украіны і рэалізацыю мінскіх дамоўленасцяў. У перамовах удзельнічаў таксама спецпрадстаўнік старшыні АБСЕ Марцін Сайдзік. Нагадаем, у пачатку мая віцэ-прэзідэнт ЗША Майкл Пенс назваў мінскія пагадненні самым лепшым спосабам дасягнення міру ва Украіне, а кіраўнікі МЗС Расіі і ФРГ заявілі аб прыярытэце палітычных раздзелаў "Мінска-2".