Лідары Францыі і Германіі выказалі поўную падтрымку мінскім пагадненням аб спыненні агню. Меркель і Аланд таксама адзначылі, што працягнуць працу па ўрэгуляванні і рэалізацыі дамоўленасцяў у "нармандскім фармаце".
Украінскае пытанне стане адным з цэнтральных і на нефармальнай сустрэчы міністраў замежных спраў ЕС у Браціславе. Заўтра туды прыбудзе і кіраўнік МЗС Беларусі Уладзімір Макей. Ён прыме ўдзел у абмеркаванні рэгіянальнай сітуацыі і перспектыў развіцця "Усходняга партнёрства".
