Financial Times: Украіна пакутуе ад крызісу даверу да дзеючых улад

Украіна пакутуе ад крызісу даверу да дзеючых улад. Такое меркаванне ў інтэрв'ю Financial Times выказаў міністр эканамічнага развіцця і гандлю краіны Айварас Абрамавічус. Ён таксама адзначыў, што шматлікія паплечнікі прэзідэнта і прэм'ер-міністра Украіны выступаюць супраць рэформ, спрабуючы "адкаціць змены". Абрамавічус заклікаў кіраўніцтва Украіны адхіліць такіх людзей ад палітыкі. Нагадаем, міністр эканамічнага развіцця і шэраг яго калегаў па ведамстве падалі ў адстаўку 3-га лютага. Сваё рашэнне яны растлумачылі карумпаванасцю ўлады і наўмысным блакіраваннем жыццёва важных рэформ. Праз некалькі дзён падпарадкаваныя Абрамавічуса публічна адклікалі свае заявы.