Еўрасаюз плануе арганізаваць спецыяльныя цэнтры па прыёме бежанцаў у прыгранічных дзяржавах да канца лістапада. Пра гэта заявіў кіраўнік Еўрасавета Дональд Туск. Раней паведамлялася, што ЕС выдзеліць больш за мільярд еўра на дапамогу сірыйскім бежанцам на Блізкім Усходзе.
Праблемы з перасячэннем мяжы на фоне хаосу з бежанцамі пачаліся ў грамадзян Еўропы. Харвацкія пагранічнікі не прапускаюць людзей з сербскімі пашпартамі, а таксама легкавыя аўтамабілі з нумарамі Сербіі. Раней гэтыя краіны ўвялі ўзаемныя забароны на імпарт тавараў і транзіт грузавога транспарту. Мытная вайна пачалася з-за патокаў бежанцаў, якія рынуліся ў Харватыю. Заграб запатрабаваў ад суседзяў спыніць падвозіць да мяжы аўтобусы з выхадцамі з Блізкага Усходу і Афрыкі. Бялград адмовіўся. Мігранцкі крызіс у Еўропе - вынік спрэчных палітычных рашэнняў Еўрасаюза ў дачыненні да Сірыі і Лівіі, упэўнены італьянскі прэм'ер Матэа Рэнці. Кіраўнік венгерскага ўрада Віктар Орбан у сваю чаргу прапанаваў стварыць у Грэцыі міжнародную службу пагранкантролю і аддзяляць эканамічных мігрантаў ад бежанцаў.
