Еўрапейскі Цэнтрабанк прыпыніў крэдытаванне шэрагу грэчаскіх банкаў

Пачынаючы з 11 лютага ЕЦБ не стане прымаць грэчаскія аблігацыі ў якасці закладаў пад крэдыты. (Адпаведная заява прагучала пасля сустрэчы кіраўніка ЕЦБ Марыё Драгі з новым міністрам фінансаў Грэцыі Янісам Варуфакісам. Перамовы прайшлі напярэдадні ў Франкфурце-на-Майне). Як вядома, новы грэчаскі ўрад настойвае на пераглядзе ўмоў выплат запазычанасці. Знешні доўг Грэцыі на бягучы момант перавышае 300 мільярдаў еўра. Гэта каля 175% ВУП краіны.