З 11 чэрвеня грамадзяне Украіны змогуць у'язджаць ў краіны Шэнгенскай зоны без віз

За адпаведнае рашэнне прагаласавала большасць еўрадэпутатаў. Пасля гэтага дакумент будзе падпісаны і апублікаваны ў афіцыйным часопісе Еўрасаюза. Бязвізавы рэжым пачне працаваць арыенціровачна з 11 чэрвеня. Галоўная ўмова для паездак у ЕС без віз - біяметрычны пашпарт. Падарожнічаць без права працы на 90 дзён кожныя паўгода можна будзе ва ўсе краіны ЕС, выключаючы Вялікабрытанію і Ірландыю. Па патрабаванні мытнікаў трэба будзе даць шэраг дакументаў, якія дазваляюць даказаць належнае матэрыяльнае становішча і мэту падарожжа.