Еўропа выходзіць з каранціну

Колькасць інфіцыраваных COVID-19 у свеце дасягнула амаль 6 мільёнаў 400 тысяч чалавек. Загінуўшых - каля 380 тысяч. Справіліся з вірусам 2 мільёны 900 тысяч. У многіх краінах сітуацыя стабілізуецца, улады здымаюць абмежавальныя меры. Так, у Іспаніі за суткі не зарэгістравана ніводнай смерці ад інфекцыі. У краіне адкрыліся басейны і пляжы, пачалі працаваць гандлёвыя цэнтры, тэатры і спартыўныя залы. 

У Францыі сёння пачынаецца другая фаза выхаду з каранціну. Дазволена перамяшчэнне па краіне, але захоўваецца масачны рэжым. Прыступаюць да працы музеі, у невялікіх гарадах - рэстараны і кафэ.

Адмяняюць шэраг абмежаванняў і ў Берліне. У сталіцы Германіі дазволена праводзіць кірмашы, канферэнцыі і ўрачыстасці. У памяшканнях колькасць удзельнікаў мерапрыемстваў - да 150 чалавек, на вуліцы - да 200.