У Германіі зноў пратэстуюць супраць новых абмежаванняў і пашпартоў вакцынацыі, прычым акцыі сталі не толькі рэгулярнымі, але і больш радыкальнымі. Гэта заяўляе МУС краіны. Як паведамілі СМІ, у пачатку снежня на мітынгу ў Берліне ўчынены напад на пецярых журналістаў, трое атрымалі лёгкія траўмы. Напярэдадні чарговыя акцыі прайшлі ў Штутгарце і Мюнхене.
Аўстрыя
Праціўнікі прымусовай вакцынацыі выйшлі і на вуліцы Вены. У Аўстрыі працягвае дзейнічаць лакдаўн для непрышчэпленых і тых, хто не хварэў. Да лютага ўсе грамадзяне абавязаны зрабіць прышчэпку, інакш ім пагражаюць штрафы да 7 200 еўра.
