Наогул, складваецца такое адчуванне, што нормы і законы ў ЕС даўно бяздзейнічаюць. Яны існуюць дэ-юрэ, а дэ-факта нават перашкаджаюць некаторым вырашаць свае справы. І польскі рэжым таму пацверджанне.
У Варшаве адбылася акцыя пратэсту супраць рашэння Канстытуцыйнага суда Польшчы аб прызнанні вяршэнства нацыянальнага заканадаўства над еўрапейскім. Гэты вердыкт павінен быў паставіць кропку ў канфлікце паміж Бруселем і Варшавай наконт судовай рэформы. Еўрасаюз абвінавачвае прэзідэнта Дуду ў тым, што ён ператварае польскі суд у залежны ад выканаўчай улады.
У Бруселі заяўляюць, што Еўракамісія будзе і далей дабівацца вяршэнства еўрапейскага права. Польшчы і Венгрыі, у якой паўстаў падобны канфлікт з ЕС, пагражаюць адмовай у грашах на пераадоленне наступстваў кавіднага крызісу. Францыя ж і зусім абвінавачвае афіцыйную Варшаву ў "атацы на Еўрасаюз". Вось і атрымліваецца, што ЕС трашчыць па швах. І бумеранг дэмакратызацыі ўсіх і ўся вяртаецца дамоў.
