Экстрэмісты "Ісламскай дзяржавы" знішчылі некалькі калон старажытнай Пальміры падчас паказальнай кары. Трох чалавек прывязалі да помнікаў і ўзарвалі. Кім былі палонныя і за што іх пазбавілі жыцця, невядома. Разваліны Пальміры, уключаныя ў спіс Сусветнай спадчыны ААН, перайшлі ў рукі баевікоў у маі. Старажытны горад аказаўся пад пагрозай знікнення, і экстрэмісты ўчынілі некалькі дэманстрацыйных акцый. У кастрычніку ўзарвалі антычную Трыумфальную арку, а ў жніўні ў паветра ўзляцеў храм I стагоддзя нашай эры.
