Эксперты Захаду, Украіны і Ірана назвалі асноўныя версіі крушэння самалёта

Украіна назвала асноўныя версіі крушэння самалёта ў Іране. Сярод іх - паражэнне зенітнай ракетай, выбух у выніку тэракта і выбух рухавіка па тэхпрычынах. Гэта заява Савета нацбяспекі і абароны краіны. Пры гэтым заходнія спецслужбы выключаюць версію пападання ракеты ва ўкраінскі лайнер. Паводле інфармацыі крыніц Рэйтэр у разведках ЗША, Еўрасаюза і Канады, прычынай авіякатастрофы стала тэхнічная няспраўнасць: нібыта ёсць сведчанні перагрэву рухавіка. У кампаніі "Боінг" гэтую інфармацыю каментаваць адмовіліся. Паводле справаздачы авіяцыйных улад Ірана, самалёт, які разбіўся ў Тэгеране, загарэўся яшчэ да сутыкнення з зямлёй. У ведамстве паведамілі, што перад крушэннем борт павярнуўся і паляцеў назад у аэрапорт. Пры гэтым пілоты не паведамілі ні пра якія незвычайныя акалічнасці.