Амерыканскія паліцэйскія не могуць узяць пад кантроль сітуацыю ў Фергюсане. Там пракацілася новая хваля беспарадкаў. Арыштаваныя 15 чалавек. Аднаму з затрыманых могуць прад'явіць абвінавачанне ў нападзе на паліцэйскага. За апошнія 4 дні колькасць арыштаваных падчас вулічных сутыкненняў у Фергюсане перавысіла 60 чалавек. Рашэнне не прыцягваць да адказнасці супрацоўніка аховы парадку выклікала шматтысячныя пратэсты і беспарадкі і ў іншых гарадах ЗША: у Нью-Ёрку, Сент-Луісе, Чыкага, Лос-Анджэлесе. У Сіэтле вартавыя парадку былі вымушаныя ўжыць для разгону дэманстрантаў слёзатачывы газ.
