Дваццацігадовы Майкл Брэндан Хіл быў узброены аўтаматам Калашнікава

Дваццацігадовы Майкл Брэндан Хіл, які адкрыў страляніну ў пачатковай школе ў горадзе Дэйктэр у Джорджыі, быў узброены аўтаматам Калашнікава і меў пры сабе амаль 500 патронаў. Паводле слоў паліцэйскіх, Хіл здабыў аўтамат у свайго знаёмага. Праўда, пакуль незразумела, папрасіў ён зброю або выкраў. Нагадаем, інцыдэнт адбыўся 20 жніўня. Зламыснік, які жыў недалёка ад школы, прыехаў да месца злачынства на аўтамабілі. Ён прабраўся міма школьнай аховы, пранёс пры гэтым з сабой вялікую колькасць зброі. На шчасце, ніхто не пацярпеў.