Касалапыя атакуюць. Баі без правіл учынілі два вялізныя чорныя мядзведзі ў двары ў жыхара Нью-Джэрсі. Мужчыну ўдалося зняць бойку на відэа. Жывёліны, не зважаючы на чалавека, барукаліся на задніх лапах, кусаліся і рыкалі. Калі яны вельмі блізка падабраліся да ганка, відавочца схаваўся ў доме.
Гуляюць мядзведзі не толькі па Амерыцы. На Камчатцы драпежнік выкраў з машыны кантэйнер з ежай. Гэтага мішку не раз бачылі на ўчастку дарогі ля пасёлка Малка. Дарэчы, ён часта прасіў ежу ў вадзіцеляў. Зараз касалапы перайшоў да сур'ёзных дзеянняў і ўзяў чужы паёк без папытання. Нават крыкі паляўнічых і стрэлы ў паветра яго не спынілі.
Два вялізныя чорныя мядзведзі пабіліся ў двары ў жыхара Нью-Джэрсі
11 мая 2019
