Спачатку ён уступіў у слоўную вайну з Расіяй, напісаўшы: "Расія абяцае збіваць любыя ракеты, выпушчаныя па Сірыі. Рыхтуйся, Расія, таму што яны ляцяць, добрыя, новыя і "разумныя".
Праз некаторы час на старонцы прэзідэнта з'явілася новае паведамленне. У ім Трамп, змяніўшы тон, заклікае да спынення гонкі ўзбраенняў.
"Нашы адносіны з Расіяй зараз горшыя, чым калі б то ні было, уключаючы халодную вайну. Для гэтага няма прычын. Спынім гонку ўзбраенняў".
А ўжо ў апошнім посце кіраўнік Белага дома абвінаваціў у цяжкасцях ЗША з Расіяй генпракурора Мюлера і яго "фейкавае" расследаванне. Серыя твітаў Трампа з'явілася пасля слоў пасла Расіі ў Ліване, што Масква пакідае за сабой права збіваць амерыканскія ракеты, якія могуць быць запушчаныя па Сірыі.