Дональд Трамп наведаў у бальніцы свайго сябра

Прэзідэнт ЗША Дональд Трамп наведаў у бальніцы свайго сябра, кангрэсмена Сціва Скаліза, які быў паранены ў выніку страляніны ў Вірджыніі. Інцыдэнт адбыўся напярэдадні ў горадзе Александрыя, дзе група кангрэсменаў і іх памочнікаў гуляла ў бейсбол. Раненні атрымалі чатыры чалавекі, у тым ліку каардынатар фракцыі рэспубліканцаў у палаце прадстаўнікоў Сціў Скаліз і двое паліцэйскіх. Нападаючы быў паранены ў перастрэлцы з паліцыяй і пазней памёр у бальніцы. Як паведамляюць медыкі, стан Скаліза ацэньваецца як крытычны.