Мы працягваем сачыць за сітуацыяй вакол Сірыі. Сёння чакаецца пазачарговае пасяджэнне Савета Бяспекі ААН. На сустрэчы будзе разгледжаны новы праект рэзалюцыі ад Францыі, Вялікабрытаніі і ЗША.
Тым часам у Белым доме гатовыя аб’явіць аб новых супрацьрасійскіх санкцыях. Гэта заявіла пастаянны прадстаўнік ЗША пры ААН у інтэрв'ю тэлекампаніі Сі-бі-эс. У МЗС Расіі назвалі палітыку ЗША па пашырэнні санкцый нястрымнай і адзначылі, што крокі ў адказ будуць прынятыя неадкладна.
Такія меры гатова прыняць і Вялікабрытанія ў дачыненні да "незаконных фінансаў" расіян. Абвастрэнне адносін адбылося на фоне інцыдэнту ў Солсберы па справе Скрыпаля.
Гэтую тэму абмяркуюць сёння і на сустрэчы кіраўнікоў знешнепалітычных ведамстваў ЕС у Люксембургу. Таксама падчас пасяджэнняў будуць гаварыць аб авіяўдарах па Сірыі і будучыні ядзернай здзелкі з Іранам.
І сёння Дональд Трамп даў справаздачу кангрэсу аб нанесеным удары па Сірыі. Прэзідэнт ЗША заявіў, што дзейнічаў у адпаведнасці з Канстытуцыяй краіны і для абароны інтарэсаў дзяржавы.
Тлумачыць свае дзеянні прыйшлося і прэзідэнту Францыі. У інтэрв'ю журналістам Эмануэль Макрон заявіў, што не павінен быў па Канстытуцыі кансультавацца з парламентам.
Удары па Сірыі сёння абмяркуюць і ў брытанскім парламенце. Апазіцыя там таксама нездаволеная, што аперацыя не была ўзгодненая.