У сваім "Твітары" амерыканскі прэзідэнт прывёў цэлы спіс выданняў і тэлеканалаў, якія, на яго думку, распаўсюджваюць фейкавыя навіны.
Гэта газета "Нью-Йорк Таймс", каналы "Си-Эн-Эн", "Эн-Би-Си", "Си-Би-Эс" і "Эй-Би-Эс". Усе яны, як неаднаразова заяўляў Трамп, перашкаджаюць яго працы, у прыватнасці, наладжванню адносін з Расіяй. Пры гэтым, згодна з вынікамі апытання тэлеканала "Фокс Ньюс", 45 % грамадзян ЗША больш давяраюць прэзідэнту краіны, чым вышэйпералічаным СМІ. Акрамя таго, 68 % апытаных лічаць, што журналісты ставяцца да новага кіраўніка Белага дома значна больш крытычна, чым да яго папярэдніка - Барака Абамы. Дарэчы, амерыканскія гісторыкі змясцілі Абаму на 12-ы радок рэйтынгу ўсіх прэзідэнтаў ЗША. У першую тройку ўвайшлі Аўраам Лінкальн, Джордж Вашынгтан і Франклін Рузвельт. І сёння Белы дом апублікаваў інфармацыю, што яшчэ тыдзень таму ў Фларыдзе на картэж Трампа быў учынены замах - невядомы мужчына кінуў у лімузін важкі камень, але прамахнуўся, камень трапіў у аўто, што рухалася побач.
А напярэдадні тысячы мексіканцаў арганізавалі Трампу "жывую сцяну" ў знак пратэсту супраць будаўніцтва агароджы паміж дзвюма краінамі. Паводле звестак паліцыі, чалавечы бар'ер расцягнуўся на паўтара кіламетра.
