ЗША пачнуць выходзіць з дагавора аб ракетах сярэдняй і меншай далёкасці 2 лютага

Стала вядома, калі ЗША пачнуць працэс выхаду з дагавора аб ракетах сярэдняй і меншай далёкасці. Паводле слоў намесніка дзяржсакратара па кантролі над узбраеннямі Андрэа Томпсан, гэты працэс пачнецца 2 лютага і зойме каля паўгода. ЗША засталіся незадаволеныя вынікамі перамоў з Расіяй, якія прайшлі ў Жэневе. Пры гэтым міністр замежных спраў Расіі Сяргей Лаўроў заявіў, што Злучаныя Штаты не разгледзелі належным чынам прапановы Масквы, каб захаваць дагавор і прадухіліць новую гонку ўзбраенняў у Еўропе.