Надзвычайнае здарэнне ў Шатландыі

У парку атракцыёнаў горада Мотэруэл з рэек сышоў вагончык амерыканскіх горак. Траўмы атрымалі 11 чалавек, у асноўным дзеці. Паведамляецца, што аварыя адбылася на атракцыёне "Цунамі". Адзін з вагончыкаў страціў счапленне з рэйкамі і рухнуў на зямлю прыкладна з 10-метровай вышыні. Усе пацярпелыя зараз у бальніцы, ім аказваецца меддапамога. Парк атракцыёнаў зачынены. Там працуюць следчыя: яны спрабуюць усталяваць прычыны таго, што здарылася.