Ахвяр японскага землетрасення ўжо восем! На поўначы краіны пацярпелі не меней за 140 чалавек, больш як тры дзясяткі прапалі без вестак. Гэтая раніца выдалася цяжкай для жыхароў вострава Хакайда: там адбыліся два магутныя падземныя штуршкі. Удар стыхіі магнітудай 6,7 стаў прычынай дзясяткаў апоўзняў і сур'ёзных разбурэнняў. Востраў фактычна паралізаваны: не працуе міжнародны аэрапорт, перакрытыя трасы, спыніліся цягнікі. Амаль тры мільёны дамоў застаюцца без святла.
Зараз на Хакайда працуюць больш як 20 000 ратавальнікаў і 50 верталётаў. Землетрасенне ўжо прызналі адным з найбуйнейшых у Японіі за апошнія 20 гадоў.
