У Кітаі колькасць ахвяр каранавіруса дасягнула 361 чалавека

3 февраля 2020
Колькасць ахвяр новага тыпу каранавіруса перавысіла колькасць памерлых ад атыповай пнеўманіі SARS у 2002 і 2003 гадах. Тады вірус забраў амаль 350 жыццяў. На сёння сумная статыстыка налічвае ўжо больш за 360 чалавек.

Тым часам кітайскія будаўнікі ўжо ўзвялі новую бальніцу ва Ухані. Яе пабудавалі ў рэкордныя тэрміны - усяго за 8 дзён. І ўжо сёння там прымуць першых пацыентаў. 

149 выпадкаў заражэння каранавірусам зафіксавана па-за Кітаем

А ў ЗША ўжо зафіксаваны 11-ты выпадак заражэння. Дзейнічае забарона ўезду ў краіну замежнікам, якія прыехалі з Кітая. У Паўночнай Карэі ў дыпламатычным квартале Пхеньяна дактары правяраюць замежных гасцей на наяўнасць каранавіруса. Авіясувязь з Паднябеснай услед за дзясяткамі краін закрыла і Чэхія. Дзяржавы працягваюць эвакуацыю сваіх грамадзян. Учора з КНР вылецелі і 5 беларусаў.