Дзве чорныя скрыні Боінга, які зваліўся ў Данецкай вобласці, перададзеныя экспертам з Малайзіі. Яны абавязаліся падаць доступ да бартавых самапісцаў спецыялістам Міжнароднай арганізацыі цывільнай авіяцыі. Кіраўнік малайзійскай дэлегацыі адзначыў, што прыборы знаходзяцца ў добрым знешнім стане, і ў найбліжэйшы час пачнецца расшыфроўка.
Нагадаем, самалёт Малайзійскіх авіяліній рэйса Амстэрдам - Куала-Лумпур разбіўся пад Данецкам 17 ліпеня. На борце лайнера знаходзіліся 298 чалавек, усе загінулі. Украінскія ўлады і апалчэнцы вінавацяць адзін аднаго.
Тым часам Савет бяспекі ААН аднагалосна прыняў рэзалюцыю па крушэнні Боінга. У дакуменце выказваецца асуджэнне дзеянняў, якія прывялі да таго, што самалёт быў збіты, і змяшчаецца патрабаванне правесці ўсебаковае і незалежнае расследаванне трагедыі. Савет бяспекі таксама патрабуе неадкладна спыніць усе ваенныя дзеянні ў раёне катастрофы.
