Бартавыя самапісцы лайнера AirAsia, які разбіўся, далі выразную карціну авіякатастрофы. Паводле слоў прадстаўнікоў інданезійскага камітэта па бяспецы на транспарце, пасля вывучэння чорных скрынь стала вядома, што кіраванне паветраным суднам на сябе ўзяў другі пілот. Самалёт зваліўся ў мора за тры хвіліны. У ведамстве таксама падкрэсліваюць, што экіпаж да палёту быў дапушчаны, а сам лайнер знаходзіўся ў добрым стане. Нагадаем, што AirAsia вылецеў з Сурабаі ў Сінгапур 28 снежня мінулага года. Самалёт прапаў з экранаў радараў і не падаў сігналаў бедства. На борце знаходзіліся 162 чалавекі - усе яны загінулі.
